Pelvis lives

Lundúnarnepjan

2007-10-05T03:17:00.000+01:00

Sælinú,

hér er kominn tími á póst. Menn hafa lifað og hrærst í powerballöðunum þessi misserin, Barbra Streiss gaf tóninn. Svo njótið vel.

Steelheart - She's gone

Umþaðbil ein alrosalegasta falsetta rokksögunnar. Gæinn er víst helsta framlag Ungverja til rokksögunnar og verði þeim að því. Ég held að mér sé óhætt að fullyrða að þessi látunsbarki hafi verið í rasslausum leðurbuxum einum fata þegar þessi smellur var skorinn. Checkit..

Europe - Carrie

Í öll þessi ár hafði ég frændur okkar í Europe fyrir rangri sök þar sem ég hélt þeir væru einssmellsundur. En nei, þeir áttu annan og jafnvel hressari smell. Skal engan undra þó einhvers staðar feli þeir þann þriðja!

Kansas - Dust in the wind

Sum lög gleymast bara alls ekki, sama hversu miklum bjór þú veitir inn á heilakvikindið. Þetta lag fyllir þann flokk, upp rifjast stundir snemma á níunda áratugnum þegar maður rúntaði bílasölur með fjölskyldunni og, ef maður var megaheppinn, endaði í ísbúð.

Joan Baez - Diamonds and rust

Joan kerlingin er ekki neitt í kraftballöðum en hún gat greinilega sungið tregafull kvæði með stæl. Mælt með vasaklút.

Ultravox - Dancing with tears in my eyes

Tvímælalaust enduruppgötvun sumarsins. Maður óskar sér bara að vera horfinn aftur til þess tíma þegar það þótti töluvert lekkert að vera með rimlagluggatjaldasólgleraugu í megavíðri millet-úlpu.

Bjarni 13

Pelvis i PraceLand

2007-08-02T18:06:00.001+01:00

Fréttaritari Pelvis Lives er PraceLand

Just so you know

Pelvis i PraceLand

2007-08-02T18:06:00.000+01:00

Fréttaritari Pelvis Lives er PraceLand

Just so you know

Get Closer To GOD

2007-07-30T02:41:00.000+01:00

STRAIGHT FROM ABOVE, A NEW MIX FROM DJezus

CLICK SURFING DJEZUS TO GET CLOSER TO GOD

Other mixes can be downloaded, here in heaven

... and remember DJezus loves you (even though you like rap)

Salt, sítrón, og svo skál!

2007-06-21T11:23:00.000+01:00

Nú anga grill út um allan bæ, menn mylja úr sebraþvengjum og sulla í sig hanastélum. En hætta skal leik þá hæst stendur, taka niður sólheimaglottið og vatna músum stundarkorn. Af slíku hafa gumar ekkert nema gott, best væri að taka á sig alvöru samviskupakka og kolefnisjafna á sér kvikindið svona rétt á meðan helstu gráthryðjurnar ganga yfir.

Barbra Streisand - Woman in love

Löngum hefur mér leiðst hve undurhýr minn músíksmekkur er. Er þetta dregið úr einum hans allra fúlustu afkimum, kraftballöður eru veikleiki sem jafnvel sækir í sig veðrið með árunum. Barb kerlingin ku hafa leikið í helst til dónalegum myndum áður en hún hóf sinn þyrnum stráða sólóferil, ég verð nú bara að taka af allan vafa um það hér og nú að hvaða kerling sem hefur slíka rödd á vísan stað í bóli Bjarna. Engar bollur samt.

Todmobile - Spiladósalagið

Eyþór Arnalds og Þorvaldur Bjarni eru Lennon/McCartney Íslands. Megahalló og gáfu út allt of mikið af plötum af litlum gæðum. En inni á milli leynast óslípaðir demantar eins og þessi barnagæla sem ég var með á heilanum samfleytt frá 10 til 20 ára aldurs þegar Barbra mín náði að velta henni úr sessi.

Tanita Tikaram - Twist in my sobriety

Þegar frægðarsól þessarar reis hvað hæst börðu Íslendingar sér á brjóst og fögnuðu því að loksins væri einhver úr hópi okkar forsmáðu náfrænda, Grænlendinga, farin að mala gull í tónlistarheiminum. Á þessum tíma voru vonir ICY flokksins orðnar að samasem engu og Björk vildi enginn heilvita Frónbúi kannast við, bölvaðir skrækir í þeirri alltaf hreint. Þannig að við stóðum þétt við bakið á litla Grænlendingnum okkar og ég lét ekki mitt eftir liggja í þeim efnum. Um daginn fletti ég því þó upp á Wikipedia að hún er komin af mun suðrænna og óæðra inúítakyni sem aldrei var í slagtogi með Eiríki rauða og hans kónum. Leyfi þessu samt að lafa.

Dionne Warwick - Anyone who had a heart

Ég á mér engar málsbætur.

Swans - Where does the body end

Varð nú að koma með eitt svona til að sýna að ég hlustaði samt líka á töff. Þessi hljómsveit samdi aldrei neitt nema undirspil við Ragnarök sem er viðeigandi fyrir snáða sem alast upp í grjótkastinu í Breiðholti.

Bjarni 12

The First Coming

2007-04-02T02:21:00.000+01:00

STRAIGHT FROM ABOVE, A MIX FROM DJezus

CLICK ON JESUS TO LISTEN TO MIX

Mix can be downloaded, here in heaven

... and remember DJezus loves you

DJezus is Born

2007-01-02T08:03:00.000Z

Ekki Kraftaverk heldur Kraftwerk

--Frelsari er fæddur--

Barátta góðs og ills er hafin. Fyrsta orrustan átti sér stað í heilaga landinu USA.

DJ Skeletor vs. DJezus - A Dark Day at the Beach (66.6MB tilviljun!)

More to come

Ísland Vs Danmörk

2006-11-16T15:23:00.000Z

Fótbolti 2:14
Bjór 2:14
Pizzur 2:14

Hvers vegna er maður að hanga hér? Jú, af því að Reykjavík er happening. Afsaka verður seinagang í póstum en ég hef verið í atferliskönnun um Skandinavíu 20 af síðustu 30 dögum. Hér kemur ljúfsárt í ferðalok.

Peter, Bjorn og John - Paris 2004

Veit ekkert um þá en þeir slógu mig niður. Vafalaust sænskir. Takk Heiða.

Troy Von Balthazar - You could ice skate to this

Gaularinn úr Chokebore orðinn einfari. Hann kann á kerlingarnar og liggur í þeim með ballöðum sem hann syngur inn á símsvarann sinn.

Fransoise Hardy - La Maison

Frönsk díva (sjón er sögu ríkari: Myspace síðan hennar). Elín systir á margar sniðugar vinkonur og ein þeirra setti þetta á safndisk. Takk fyrir það.

Midlake - Roscoe

Heyrði þetta lag í dag og það fannst mér ferskt. Vonum að það eldist.

Neon Blonde - Headlines

Af því að það er svo stutt í helgi setti ég þennan slagara inn, hvítvín + Neon blonde = menn sjá ekki út úr augum.

Lífbeinið lifnar við

2006-10-07T19:41:00.000+01:00

USSSS, bara rúmir þrír mánuðir frá síðasta Pelvis pósti.

Martinez - Shadowboxing (Trentemoller Remix)
Dansandi danir. Martinez eða Son of Martín eins og nafnið útlegst á spánsku einnig þekktur sem Martin Swanstein með gríðargott lag, endurunnið af minimal meistaranum Trentemoller.

Zombie Nation - Booster
Ein German. Nýjasta lag Florian Senfters, fæst á boost barnum í kringlunni

Märtini Brös. - Guys Tar Far High
Zwei Germans, Clemens Kahlcke og Mike Vamp, a.k.a. Berlin Mitte Boys með minimal grúví sánd.

Tigerskin - Didn't I Blow Your Mind This Time
Ein German again. Alex Krüger. Hvað er ég að gera í Boston, ég ætti að búa í Berlín, bull og vitleysa.

The Knife - Marblehouse (PTR remix)
Svía sistkyn, annað flutt til Berlínar. Einstaklega fallegt remix af enn fallegra lagi.

Nú geta áhugasamir hlaðið lögunum beint niður með að hægrismella á lagið og velja "Save Link As..." á Windows tölvum eða "Download Linked File" á Mökkum, enjoy....

Fyrir ástarpunga.

2006-07-28T10:35:00.000+01:00

El perro del mar - God knows

Veit ekkert um þessa hljómsveit en hún kann að gera grípandi og angurvær lög.

Lee Hazelwood - Summer wine

Þetta er einn aðaltöffarinn frá því í gamla daga, fékk alls konar skvísur til að raula með sér, t.d. Nancy Sinatra. Bætir enn á kjökrið.

Swans - Blood and honey

Af skotheldri plötu með þessum, Children of God. Drunginn.

Uncle Tupelo - Effigy

Fyrirrennarar Wilco. Að lokum hverfur þetta allt í eldi.

Klaus Nomi - Death

Ein fyrsta þekkta persónan sem lést úr AIDS, kontratenór eins og Sverrir Guðjóns.

Bjarni 10

Síðbúið Pelvis Póst frá Montreal

2006-07-04T16:45:00.000+01:00

Afsakið sluggsaháttinn, sárhráður pelvis er nú hristur.

Wilderness - Beautiful Alarms
Ég sá þessa náttúru unnendur fyrir, ja löngu núna, gæða rokk, lágstemdur gítar, magnaðar trömmur, söngurinn getur farið í pirrurnar á manni, en í heildina séð, gríðar gott.

Danielson - Bloodbook On The Half Shell
Skrítin blanda sem þessi hljómsveit, sem leidd er af systkinum, frá New Jersey reiðir fram. Sufjan Stevens gekk nýlega til liðs við hljómsveitina sem banjó leikari og túrar með þeim þegar hann getur.

Lopazz - I Need Ya
Gaur að nafni Stefan Eichinger frá Heidelberg, hljóðverkfræðingur að mennt og mikill spekúlant þegar kemur að rafrænni tónlist. Ég er ekkert svo hrifinn af þessu lagi en það er eitthvað við það sem heillar mig.

Dominik Eulberg - Jittery Heritage
More Germans. Dominik Eulberg stúderar líf- og landafræði og semur bilaða raftónlist milli þess sem hann vinnur sem landvörður.

DJ HELL feat. Alan Vega - Listen To The Hiss
Meistarinn Alan Vega, söngvari hinnar mikilvægu Suicide, sem slóg í gegn á Hróarskeldu 2003, er hér með lag í sameiningu með hinum ágæta Dj Hell, Tiefscharz taka svo útkomuna og mixa.

Nú geta áhugasamir hlaðið lögunum beint niður með að hægrismella á lagið og velja "Save Link As..." á Windows tölvum eða "Download Linked File" á Mökkum, enjoy....

Baldtur

Liðurinn stirði

2006-05-18T15:01:00.000+01:00

Hér kemur smá.

Pönkbandið Fjölnir - Afríka (Litli, svarti Sambó)

Á rokk.is kennir ýmissa grasa.

Raincoats - Rainstorm

Furðulegt hvernig kvennamúsík er einhvern veginn allt öðru vísi en karlamúsík.

Súkkat - Rúmmál bumbtunnu

Þá er bara að læra lagið og maður er reddí í Greiningu 2.

Rudimentary Peni - Media Person

Menn láta fjölmiðlana fá það óþvegið. Skella þessu í vömbina á Agli Helga.

Blue Öyster Cult - (Don't fear) the reaper

Poolstofan Hverfisgötu spilar afbragsmúsík, hafði aldrei heyrt þennan 70's slagara fyrr en á kenderíi hjá þeim nú um daginn.

Bjarni 9

Ber Bossi

2006-04-26T05:53:00.000+01:00

Zebrapúngbyndið var sett niður í skúffu í dag eftir niðurlægingu við ánna, sem kennd er við Karl, Boston er ekki tilbúin fyrir skjannahvítar íslenskar rasskinnar.

Man Man - Feathers
Hvítklæddir kauðar frá Philadelfíu, syngja allir sem einn í falsettu, spila allir sem einn á fjöldamörg furðuleg hljóðfæri. Eru engu líkir live, platan þeirra er einnig hin ágætasta, en ég mæli með að sjá þá spila, Man Man á Airwaves 2006.

Yeah Yeah Yeahs - Let Me Know
Lag af "nýju" plötu YYY, ég er hrifinn (af Karen O, hún er rokk gyðja).
Til gamans: Myndir af tónleikum YYYs, sem ég fór á í Boston.

Ten Wheel Drive - Eye Of The Needle
Heyrði þetta lag fyrst milli hljómsveita á Afro-Punk-Rock tónleikum í New York, sem voru haldnir til heiðurs blökkumanna í pönki.
Ten Wheel störfuðu á áttunda áratugnum, þetta er langsamlega besta lagið sem ég hef heyrt með þeim, gott grúv.

AFX - PWSteal.Ldpinch.D
Aphex með hressandi nafn á lagi að venju. Algerlega út úr kortinu magnað lag, hvernig fer maðurinn að þessu, er málið kannski að kaupa skriðdreka og leggja í ferðalag um bresku hálendin?

Booka Shade - Darko
Þýskt dúó hjá Get Physical útgáfunni, pottþétt uppgötvun ársins hjá mér, nægir að nefna klúbbaslagarann Madarin Girl, sem ég póstaði ekki fyrir löngu, hittir beint í hjartastað.
Hér en annað mjög frambærilegt lag af ný útkominni plötu hljómsveitarinnar, Movements.

Nú geta áhugasamir hlaðið lögunum beint niður með að hægrismella á lagið og velja "Save Link As..." á Windows tölvum eða "Download Linked File" á Mökkum, enjoy....

Lóan og spóinn

2006-04-21T13:53:00.000+01:00

Nú þegar sumar er gengið í garð og menn hrúgast niður í Nauthólsvík í sebrapungbindum og þvengsbikiníum er vert að rifja upp sólbaðsmúsík.

The Softies - Holiday in Rhode Island

Þessar kvensur vita ekkert betra en að tanna sig með gæjunum úr gymminu. Hér bera þær á borð ljúfsárar minningar af einhverju vaxtarræktarmótinu.

Lou Barlow - Queen of the scene

Systir Lous tekur hressan slagara sem vafalaust mun óma úr öðrum hverjum kassagítar í eyjum.

Dead milkmen - Big deal

Óður til lífsins, ekkert minna.

Guided by voices - Acorns and orioles

Sumarið eftir 3. bekk var þetta á repeat, kom í leitirnar í vorhreingerningunni.

Popol vuh - Kyrie

Líf og fjör í hverjum tóni. Á hippaárunum kunnu Þjóðverjarnir á þetta með sitt súrkál, flestir aðrir í tómu rugli og misskilningi. Sumarljóð frá '72.

40.000 more years!

To Hell with Metallica

2006-04-07T19:43:00.000+01:00

Bronze Age Fox - Dinosaur
Bjánar frá Bristol, semja skemmtilega grípandi popp rokk tónlist. Hafa mikinn á huga á risaeðlum og öðrum forsögulegum verum.

Vox Vermillion - Wanted
Ég virðist heillast óvenju mikið af mistökum frá Minneapolis, aldrei komið þangað, ef til vill er þetta merki frá æðrimáttavöldum, stefnan er tekin til Minnesota.

Justice - Let There Be Light
Frönsku fávitarnir Gaspard Augé & Xavier de Rosnay semja magnaða raftónlist með hörðum syntha, kitlar minn pelvis.

Tiga - Good as Gold (instrumental)
Teknó tussan Tiga, með ágætt hlustendavænt raf sem ágætt er að setja á fóninn þegar vikan er að lokum komin.

Fairmont - Gazebo
Hágæða-minimal-dillvænt-raf (kemst jafnvel á Aphex skalann) eftir kanadíska kjánann Jacob Fairley. Ég er nett veikur fyrir minimal house tónlist, Gazebe er gott tóndæmi.

Nú geta áhugasamir hlaðið lögunum beint niður með að hægrismella á lagið og velja "Save Link As..." á Windows tölvum eða "Download Linked File" á Mökkum, enjoy....

Bubbi byggir og bloggar

2006-04-05T17:03:00.000+01:00

Setjið þetta í pípurnar og reykið!

16 Horsepower - Black soul choir

Aldavinir okkar Jóa taka hér landsmótslag hestamanna í ár. Þessir menn sluppu við allt óþarfa brölt með ljóshærðum danskmeyjum þegar þeir heimsóttu Kaupmannahöfn, í staðinn fengu þeir að spandera öllu fría víninu baksviðs í okkur Jóa.

The Advantage - Batman-Stage I

Þeir sem spiluðu Batman leikinn á gömlu Nintendo hoppa nú hæð sína. Hér er eitt albesta lag tölvuleikjanna komið á plast með slarkfæru rokkbandi sem eingöngu spilar músík úr Nintendo tölvunni klassísku. Þeir kalla sína nýjustu afurð Elf-titled. Hohoho

Tim Hardin - Never too far

Þessi fór tú far á köflum. Spilaði á Woodstock en hans partur þótti ekki útgáfuhæfur þrátt fyrir margan úldinn skít í þeirri mynd. Sagan segir að Jim Morrison hafi farið með ungan vin sinn í heimsókn til Tims til að fæla hann frá eiturlyfjadjöflinum. Þar lá kallinn nakinn í eigin skít með skegg niður á pung. Forvarnaraðilar hérlendis mættu taka eðlukónginn til fyrirmyndar í þessum efnum.

Chokebore - Coat

Svona var rokkið einhvern tímann. Hratt, hrátt og spennandi. Þessir hanakambsveslingar sem rúla rokkinu oft nútildags mættu apa eftir.

Scratch Acid - Albino slug

Fyrirrennari Jesus Lizard, gaman.

Bjarni 7

Farið hefur fé betra

2006-03-25T01:32:00.000Z

Ég held að ég verði að svara útspili bandaríkjamanna með því að yfirgefa þá, tönn fyrir tönn, auga fyrir auga. Nei ekki strax, plana þó að koma heim 20 maí, í júróvisjón partý.

Nú snilld

Apparat - Not a -Good Place
Þýskur spaði, sem er þekktastur fyrir að bera sama nafn og APPARAT ORGAN QUARTET, kannski ekki. Hann gaf út frábæra plötu, Orchestra Of Bubbles, með teknó tussunni Ellen Allien fyrr í ár (sjá lag hér að neðan). Not a good place er sérlega tilfinngaríkt og grípandi lag.

Tapes 'n Tapes - Manitoba
Þessir koma frá Minneapolis, kannski ekkert nýtt en fínasta indí-rokk-popp.

Hot Chip - Keep Fallin´
Sá þessa herramenn fyrir ekki svo löngu. Menn að mínu skapi, nerðir miklir með taktinn á hreinu. Plata þeirra kappa er í rólegri kantinum, en á tónleikum svífa dansvænir tónar úr rafrænum hljóðfærum sveitarinnar, sem ekki er hægt annað en að dilla sér við.

NÚ DANS

ELECTROLL - Always Anything
Minn áskæri yngri bróðir, a.k.a. Skeletor, er helmingur dúósins ELECTROLL ásamt Electror. Í þessum klúbba-slagra ræða þeir kumpánar um gestalista, partý á klósettum og kók eins og sönnum glam gæjum sæmir..... money succes fame glamor.....bla bla bla

Black Strobe - Chemical sweet girl (Dub)
Beittari raftónlist fyrirfinnst varla, ég er ansi veikur fyrir synth-anum hjá þessum mönnum.

Áhugasamir geta loggað sig inn á gmail með notendanafninu pelvislives@gmail.com með lykilorðinu dak1ng, d eins og í dásamlegur, a eins og í Aron, k eins og i King, talan 1, n eins og í naðra og g eins og í gull af manni, og hlaðið niður lögunum.

Halldór Álfgrímsson

2006-03-17T11:36:00.000Z

Varnarsamningur Frónbúa og USA er fyrir bí. Nú eru góð ráð dýr. Enginn vill verja okkur. Ekki Norsarar, sem vildu hafa af okkur Smuguna og þorskinn, og ekki Danir, sem seldu okkur maðkað mjöl og skikkuðu okkur til að tala þeirra óguðlegu tungu á sunnudögum. Enginn vill verja okkur litlu kallana, með óbilandi áhugann á jeppabreytingum og fylleríi, helst í dúói. Höllum okkur því aftur og hlustum á tóna fortíðar, frá þeim tíma þegar sámur gætti okkar.

Silver Jews - Smith & Jones forever

Í USA sitja silfraðir júðar og hafa djobbið af okkur heiðarlegum Reykjanessmönnum. Við sem vildum ditta að þeirra tólum og mylja úr nærunum þeirra áður en þeir héldu út í heim að dúndra sandnegra. En mikið helvíti gera þeir fín lög, það besta frá Malkmus.

Band of Horses - Wicked Gil

Hrossabandið hefur fengið mikinn meðbyr undanfarið í henni ameríku, enda hrossin á mun hærra menningarstigi en sumt landsmanna þar. Hér mótmæla þeir kröftuglega broti á varnarsamningi Snælands og USA og níða forsprakka þeirrar ákvörðunar í svað.

Karate - New Martini

Um daginn sá ég hina hápólitísku Karate Kid. Þar reyndi jafnaðarsinnaður ameríkani af sikileyskum uppruna veikum mætti að berjast við bubbasyni og skítapakk sem sáu varnarsamningi isalands og USA allt til foráttu. Fékk hann í lið mér sér víðsýnan öldung, Japanskan að uppruna, og í sameiningu komu þeir vitinu fyrir annars forheimskt hægra pakkið.

Noir Desir - aux sombres héros de l'amer

B. Morthens þeirra Frakka syngur hér um menn, týnda á sjó. Ekki veit ég ástæðuna, þó hún sé mjög líklega runnin undan rifjum hamborgararassanna. Söngvari sveitarinnar var alþýðuhetja hin mesta en endaði þó illu heilli á að kála kerlingunni sinni í hitteðfyrra og missti þar með mesta sjarmann.

Current 93 - Mockingbird

Þessi er ágætur.

Seint dansa sumir en dansa þo

2006-03-15T04:33:00.000Z

Þar sem Bjarni er karlamaðurinn í pelvis sambandinu og leiðir því þennan darraða-dans, koma hér löður ljúfir tónar sem kitla pelvis.

Liars - The Other Side of Mt. Heart Attack (Single Version)
Lag af nýrri smáskífu tekinni af plötu sem ber sama heiti og lagið. Þessi útgáfa er sú besta, sem ég hef heyrt, og eru hinar ekki slæmar.

Dead Meadow - At Her Open Door
Lag af Feathers, sem kom út í fyrra en fékk allt of litla athygli

Ellen Allien og Apparat - Leave Me Alone
Óvenju hefðbundið lag með teknó-tussunni. Sérlega skemmtileg útsetning á strengjahlutanum.

The Knife - The Captain
Rólegt lag af nýju plötu sveitarinnar, sem vex mann eins og sveppur á sveppum.

Boards of Canada - Chromakey Dreamcoat
Ekki farið sérlega mikið fyrir þessari sveit en nýjasta platan þeirra er hin besta, þó ekki sé mikil breyting frá fyrri plötum.

Baldur

Áhugasamir geta loggað sig inn á gmail með notendanafninu pelvislives@gmail.com með lykilorðinu dak1ng, d eins og í dásamlegur, a eins og í Aron, k eins og i King, talan 1, n eins og í naðra og g eins og í gull af manni, og hlaðið niður lögunum.

Norðaustanátt með slyddu og skúrum

2006-03-01T11:53:00.000Z

Jú, ég get ekki neitað því að dansinn hefur dunað eftir Baldurs innlegg. Ræl, skottís, quickstep og ég veit ekki hvað. Hér kemur þó logn á eftir stormi.

The Stranglers - Strange little girl

Myndbandið við þetta lag var merkilega leiðinlegt. Fullt af undarlegum litlum stúlkum með bleika hanakamba að pósa í leðurjökkum og snjóþvegnum buxum. Minna svolítið á Verslómeyjar nútímans með indívæðingunni dásamlegu.

Charles Manson - Love's death

Hjartaknúsarinn góðkunni kemur hér með einn af sínum ódauðlegu ástarsálmum.

Richard Thompson - End of the rainbow

Þessi stakk undan Nick Drake og giftist einu konunni sem vitað er til að sá hafi duflað við. Þau hafa síðan gefið út plötur, saman og í sundur, allt til dagsins í dag. Margt af því argasti viðbjóður. Þetta er frá 1974.

Scud mountain boys - Silo

Ein dýrmætasta eign bóndans er súrheysturninn. Ekkert grín að ætla að brenna hann.

Red house painters - New Jersey

Áminning, einn skársti lagahöfundur 10 áratugarins, sorglega ósýnilegur. Hans mest áberandi stund var að leika bassaleikara í Almost famous, þar sem blaðran hún Kate Hudson lék grúppíu.

Hliðar saman hliðar,

Bjarni 5.

2006-02-25T19:32:00.000Z

Leggið við hlustir

Ekki hægt að gera annað en að svara dans-skoti Bjarna öðruvísi en að sparka honum út á dansgólfið með þessum klúbba slögurum eða eins og vitur maður kvað, hvað er betra en að dansa?

Cursor Minor - Man Made Man
Einhvers staðar var þetta flokkað undir "silly electronica", sem að passar ágætlega. Engu að síður gríðar gott og skemmtilega uppbyggt lag.

Tiefschwarz - Warning Siren
My area of the dancefloor.

The Knife - Take My Breath Away (Puppetmasters remix)
Hinn beitti hnífur, getur skorið á öll dansbönd, sem hindra fólk frá dansgólfinu

Bjork - Who is it (Vitalic Mix)
Skemmtileg remix af skemmtilegra lagi með Björk.

Booka Shade Mandarin Girl
Eitthvað það magnaðasta, sem ég hef heyrt í háa herrans tíð. Óheyrilega vel samin "house" tónlist. Út á dansgólf Bjarni, einn dans við mig takk.

Áhugasamir geta loggað sig inn á gmail með notendanafninu pelvislives@gmail.com með lykilorðinu dak1ng, d eins og í dásamlegur, a eins og í Aron, k eins og i King, talan 1, n eins og í naðra og g eins og í gull af manni, og hlaðið niður lögunum.

Pönkskot

2006-02-10T09:47:00.000Z

D.R.I. - Money stinks

Dirty rotten imbeciles voru með hraðari pönkböndum. Blönduðu síðar thrash metali í hardcorið og saug útkoman óheyrilega. Hér skjóta þeir föstum skotum á efnishyggju og óþarfa vinnuþjark.

The Germs - Lexicon devil

Söngvarinn toppaði flesta í rokklíferni og drapst úr heróíni 22 ára gamall. Áttu fjöldann allan af bombum, síðar túraði gítarleikarinn Pat Smear með Nirvana.

Die Kreuzen - Cool breeze

Þeirra lög voru einnig í hraðari og styttri kantinum, þó ekki sé það svo með þennan slagara frá 86. Voru víst fastagestir í hjólabrettablöðum á þessum tíma. Ekki efa ég það, í það minnsta var vínyllinn sem ég keypti í videósafnaranum úttaggaður og töff.

Honey - No one wants an alien

Ábreiða yfir Wipers lag. Ef einhver sanngirni væri í músíkheimi væri Wipers að túra heiminn en U2 pöbbaband í Dunkirkshire.

Transsexual Daycare - Fuckface

Gruggaðar tvíburasystur úr Hafnarfirði að ég held.

Bjarni 4

2006-02-08T17:17:00.000Z

Gamlar skruddur

Joanna Newsom - Peach, Plum, Pear
Óheyrilega gott lag, einfallt, grípandi og trallandi.

The Knife - Silent Shout
Lag af nýju Knife plötunni, Silent Shout, ekki jafn gott við fyrstu hlustun og Deep Cuts, en vinnur á.

The Magic Number - Love Is A Game
Tvær tvenndir systkina, geislandi fólk. Gullfallegur söngur, sykur sætt, ætti að geta breytt hjörtu verstu mannhunda.

Bonnie Prince Billy og Tortoise - Daniel
Elton John lag, hér í skemmtilegru útgáfu mikilvægra manna.

Supersystem - Miracle
Nóg a væli og volæði, smá stemming í þessu lagi, alveg hægt að dilla sér við þetta

Áhugasamir geta loggað sig inn á gmail með notendanafninu pelvislives@gmail.com með lykilorðinu dak1ng, d eins og í dásamlegur, a eins og í Aron, k eins og i King, talan 1, n eins og í naðra og g eins og í gull af manni, og hlaðið niður lögunum.

Djassað og dansvænt

2006-02-03T15:26:00.000Z

Nú þegar Baldur er mættur á klakann hefur hann látið í ljós einbeittan (brota?)vilja til skekja skanka og hrista hreðjar í takt við skemmtara og farfísur á sóðalegri búllum bæjarins. Til að koma kalli í almennilegan flagaragír ætla ég að bomba á hann nokkrum djössurum og einhverju rafrænu fyrir veikara kynið.

Ghost - Escaped and lost down in Medina

Spennandi Japanir, hér af bestu plötu ársins 2004 að sumra mati, Hypnotic Underworld.

Bad Plus - And here we test our powers of observation

Þessir ætla að kíkja hingað nú í vor. Einhvers staðar las ég að þeir hefðu hitað upp fyrir Pixies og spilað á veitingastað bassaleikara Hüsker Dü, ussususs.

Raincoats - Overheard

Djassað frá góðri sveit. Fyrirrennari Beat Happening og fleiri leikskólarokkara.

Squarepusher - Theme from Ernest Borgnine

Menn geta aldeilis steppað við þennan fjanda.

Tears for Fears - Mad World

Í lok þeirra dansleikja sem ég man eftir var alltaf vangalag. Þetta má nota sem slíkt, þó í hraðari kantinum ef dansminni mitt brestur ekki. Nógu er það alla vega tussulegt.

Bjarni 3

2006-01-26T21:38:00.000Z

The Bling King

Animal Collective - The Purple Bottle
Magnaður andskoti. falleg melódía, góður taktur, örskur og dúddí-da

Deerhoof - You Are a Runner and I Am My Father's Son
Gríðar gott, poppað, hrátt rokk, vel beit.

Lightning Bolt - Morro Morro Land
Tveir menn, reiða fram ótrúleg hljóð. Hljóð-árás.

Gang Gang Dance - Egowar
Heimstónlist? Dunnó en panflautan er að rokka.

Wolf Parade - Wrong Time Capsule
Eins gott indí rokk og það gerist.

Áhugasamir geta loggað sig inn á gmail með notendanafninu pelvislives@gmail.com með lykilorðinu dak1ng, d eins og í dásamlegur, a eins og í Aron, k eins og i King, talan 1, n eins og í naðra og g eins og í gull af manni, og hlaðið niður lögunum.

Þorrinn þreyttur

2006-01-24T12:46:00.000Z

Nú þegar allar vambir eru útkýldar af súrhval og mysu er rétt að hressa með poppi.

Beat Happening - Crashing through

Calvin tekur gólið og kerlingin hamast á settinu. Þau kunna þetta.

Love - Andmoreagain

Arthur Lee upp á sitt besta. Make up sungu á sínum tíma Free Arthur Lee! réttilega, enda engin ástæða til að stinga kalli inn þó hann mundi haglarann í grannaerjum.

Lush - Hypocrite

Svona músík eru allir löngu hættir að hlusta á og þykir vafalaust frekar halló. En skóglápið kemur aftur, sannið til!

The Magnetic Fields - I thought you were my boyfriend

Kynvillingar hitta oft naglann á höfuðið í músík. Hér er enn eitt dæmið.

Megas - Silfurskotturnar hafa sungið fyrir mig

Þegar þorraþynnkan sækir að með súrum nábít og kæstum innyflum er ráð að skella þessu á og stinga úr einum pilsner.

Heartbeats

2006-01-19T11:56:00.000Z

Varð að skjóta að annarri útgáfu af þessu fína lagi með The Knife. Það er Jose Gonzalez sem flytur órafmagnað, komið inn á pósthólfið.

2006-01-18T16:19:00.000Z

PelvisLives

Tími til tjútta. Áhugasamir geta loggað sig inn á gmail með notendanafninu pelvislives@gmail.com með lykilorðinu dak1ng, d eins og í dásamlegur, a eins og í Aron, k eins og i King, talan 1, n eins og í naðra og g eins og í gull af manni, og hlaðið niður lögunum, sem við sendum inn. Látið mig endilega vita ef einhver vandræði koma upp.

This is for the king:

The Knife - Heartbeats
Hljómsveit ársins 2005 að mínu mati. Deep Cuts fær mann til að dansa, gráta og langa til Hawai. Ef þú ert ekki að hlusta á þessa hljómsveit þá ertu á villigötum.

Ellen Allien - Sehnsucht
Ellen Allien er Madonna Teknósins. Sechnsucht fær hárin enn til að rísa þó ég sé búinn að vera hlusta á lagið, reglulega, í um ár, radd-effektinn í laginu er magnaður. Ingimar fær átján prik fyrir að kynna mig fyrir þessari skvísu.

Liars - It Fit When I Was a Kid
Laf af nýju plötu Liars Drum's Not Dead, sem ég get mælt með, er þó frekar tormelt.

TV On The Radio - Dry Drunk Emperor
Lag af óútkominni plötu með TV On The Radio. Eins lélegir og þeir voru á Airwaves hér um árið, þá slá plöturnar þeirra oft á mína strengi.

Sylvain Chauveau - Minéral
Sylvain Chauveau er franskur fjandi hjá Fat Cat útgáfunni. Minéral er falleg píanó ballaða eftir kauða.

Áramótabomba!

2006-01-12T08:03:00.000Z

5 lög sem fara vel með kampavíni og kalkúna

Úlpa-girl

Dansvænt lag af bestu íslensku plötu ársins. Kuntubassi og frygðarstunur sem koma jafnvel stekkjastaur í dansgír.

The Brian Jonestown Massacre-Leave nothing for sancho

Þetta lag er tekið af minni uppáhaldsplötu á árinu. Söngvarinn er of skemmtilegur til að láta fram hjá sér fara. Fleiri hausspörk og slagsmál innan hljómsveita.

Clinic-Cement mixer

Gleymdur indíslagari, mjög mikilvægur.

Dicks-Rich daddy

Anthem okkar Breiðhyltinga.

Friends of Dean Martinez-All the pretty horses

Kenndu sig fyrst við viskýsumblarann alræmda en sá varð foj og þeir þurftu því að bæta -ez við í endann. Var með þessa melódíu á heilanum í mörg ár áður en mér áskotnaðist lagið, guði sé lof fyrir soulseek.

Bjarni 1